BEWARE: Pekeng P1,000, P500 na aabot sa P1 milyon, nasamsam sa Pasig

Nasabat ang tinatayang P1 milyong halaga ng pekeng P1,000 at P500 sa isang bahay sa Pinagbuhatan, Pasig.

Isisilbi dapat ng Criminal Investigation and Detection Group-National Capital Region (CIDG-NCR) ang search warrant para sa ilegal na armas, pero sa halip na mga baril, mga bungkos ng pekeng pera ang bumungad sa mga operatiba.

Pawang tig-P1,000 at P500 ang denominasyon ng pekeng pera.
Ayon sa CIDG-NCR, sa unang tingin, hindi mahahalata ang pagkakaiba ng pekeng pera sa tunay.

Ibinebenta rin daw ang mga pekeng pera sa mas murang halaga--P100 hanggang P300 lang.

Hindi rin inaalis ng CIDG-NCR ang posibilidad na gagamitin ang pekeng pera sa nalalapit na barangay elections para pambili ng boto.

Puwede ring modus ng mga kawatan na isingit ang pekeng pera sa malakihang transaksiyon.

Kapag daw kasi inihalo ang peke sa mga tunay na pera, mas lalong hindi ito mahahalata.

Anim ang arestado na nakuhanan din ng mga di lisensiyadong baril at bala: